மம்தா பானர்ஜி பொதுக்கூட்டத்திற்கு ராகுல் காந்தி ஆதரவு


பிரதமர் மோடி சொந்த நாட்டில் நடைபெற்று வரும் காவிரி பிரச்சனையை கண்டு கொள்ளவில்லை

mahendran thagavalthalam

         நாடு நாடாக பறந்து சென்று கொண்டிருக்கும் பிரதமர் மோடி சொந்த நாட்டில் நடைபெற்று வரும் காவிரி பிரச்சனையை கண்டு கொள்ளவில்லை என்று இந்திய கம்யூனிஸ்ட் கட்சியின் மாநிலக் குழு உறுப்பினர் சி. மகேந்திரன் பிரதமர் மீது குற்றம்சாட்டியுள்ளார். கர்நாடகத்தில் தமிழர் மீதான தாக்குதலை கண்டித்து தமிழகத்தில் நடைபெற்று வரும் முழு அடைப்பு போராட்டம் வெற்றிகரமாக நடந்து வருகிறது. இந்தப் போராட்டத்தில் கலந்து கொண்ட சி. மகேந்திரன் தஞ்சையில் செய்தியாளர்களிடம் பேசு போது, நாடு நாடாக விமானத்தில் பறந்து செல்லும் பிரதமர் மோடி சொந்த நாட்டில் நடைபெற்று வரும் காவிரி பிரச்சனையை கண்டுகொள்ளவில்லை என்று குற்றம் சாட்டினார்.

       மேலும், தமிழக முதல்வர் ஜெயலலிதா இந்த விவகாரம் குறித்து வெறும் கடிதம் மட்டுமே எழுதிக் கொண்டிருந்தால் தீர்வு கிடைக்காது என்றும் போராட்டக்காரர்கள் மீது அடக்குமுறையை ஏவியுள்ள தமிழக அரசுக்கு கண்டனத்தையும் சி.மகேந்திரன் தெரிவித்துள்ளார்.


முதல்வரின் பார்வை செங்கோட்டையன் பக்கம் திரும்புமா


  கொங்கு மண்டலத்தில் அ.தி.மு.க ஆட்சியின் அசைக்க முடியாத அதிகாரப்புள்ளியாக வலம் வந்த செங்கோட்டையன், அரசியலில் இருந்து ஓய்வு பெறும் முடிவை எடுத்துள்ளதாக தகவல்கள் வெளியாகியுள்ளன.

         அ.தி.மு.க பொதுச் செயலாளர் ஜெயலலிதாவின் நேரடி குட்-புக்கில் இடம் பெற்றிருந்தவர் செங்கோட்டையன். தேர்தல் பிரசாரத்திற்கு ஜெயலலிதா செல்லும் இடங்களில், முக்கிய பாயிண்டுகளில் செங்கோட்டையன் எந்த இடத்தில் நிற்கிறாரோ, அந்த இடத்தில்தான் ஜெயலலிதா பேசுவார். அந்தளவுக்கு ஜெயலலிதாவின் நம்பிக்கைக்குரிய தளபதியாக வலம் வந்தார். எம்.ஜி.ஆரால் வளர்த்துவிடப்பட்டவரான செங்கோட்டையன், ஜா. - ஜெ. அணிகளாக அ.தி.மு.க பிரிந்தபோது, ஜெ. அணியில் இருந்தார். ஒரு கட்டத்தில், முத்துச்சாமி மீதான ஜெயலலிதா அதிருப்தியில் இருக்க செங்கோட்டையனை அமைச்சர் ஆக்கினார்.
Thagavalthalam

        முதல்வரின் வெறிபிடித்த பக்தனாகவே இருந்தார் செங்கோட்டையன். 1991 -96ல் செங்கோட்டையன் கொடிதான் பறந்தது. ஜெயலலிதாவின் தேர்தல் பிரசாரப் பயணத்தை வடிவமைக்க வேண்டும் என்றால், செங்கோட்டையன்தான் சரியான சாய்ஸ் ஆக இருந்தார். 2011ம் ஆண்டு ஆட்சிக்கு வந்த முதல்வர் ஜெயலலிதா, அவருக்குவேளாண்மைத் துறையை ஒதுக்கினார்.
     2011 சட்டமன்றத் தேர்தலில், பணத்தைப் பெற்றுக்கொண்டு தனக்கு வேண்டப்பட்டவர்களுக்கு சீட் கொடுத்தார் என்றும், முதல்வர் பதவிக்கு அச்சாரம் போடுகிறார் என்றும் சசிகலாவுக்கு எதிரான குற்றச்சாட்டுகள் வரிசைகட்டின. அவை தொடர்பாக, அமைச்சர்கள் அனைவரையும் அழைத்து விசாரணை நடத்தினார் ஜெயலலிதா.
       அப்போது, சசிகலா பற்றித் தனக்குத் தெரிந்த அத்தனை விவரங்களையும் ஜெயலலிதாவிடம் போட்டுடைத்தார், செங்கோட்டையன். அமைச்சரவையில் மற்றவர்களைவிட செங்கோட்டையனை அதிகம் நம்பும் ஜெயலலிதா, கார்டனைவிட்டு சசிகலாவை வெளியில் அனுப்பினார். அது முதலே, சசிகலாவுக்கும் செங்கோட்டையனுக்கும் மோதல் தொடங்கியது.
        கடந்த ஆட்சியின் தொடக்கத்திலேயே குடும்பத்தால் பிரச்னை ஏற்பட்டது. போயஸ்கார்டனை விட்டு வெளியேறிய சசிகலா மீண்டும் திரும்பி வந்துவிட்டார். அதையடுத்து, விசாரணையே இல்லாமல் செங்கோட்டையனிடம் இருந்த அத்தனைப் பொறுப்புகளும் பறிக்கப்பட்டன. இருப்பினும், கட்சி நிகழ்ச்சிகள், பொது விழாக்கள் போன்றவற்றில் பங்கேற்பதை அவர் தவிர்க்கவில்லை.

   2016 சட்டசபைத் தேர்தலில் கோபி தொகுதியில் போட்டியிட செங்கோட்டையனுக்கு மீண்டும் வாய்ப்பு கொடுத்தார் ஜெயலலிதா. வெற்றி பெற்றார் செங்கோட்டையன். 96ம் ஆண்டுக்குப் பிறகு பெரிதாக எந்தப் பதவியிலும் அவர் இல்லை. இந்தமுறை வேட்பாளராக அறிவித்தபோது, 'செலவுக்கு என்ன செய்வது?' என யோசித்துக் கொண்டிருந்தார். பாரம்பரிய சொத்துக்கள் இருந்தாலும், அத்தனையும் வீடு, நிலங்களாக உள்ளன. செலவு செய்வதற்கு பணமாக எதுவும் இல்லை.
     சட்டசபைத் தேர்தலின் போது அனைவரிடமும் பத்து லட்சம், இருபது லட்சம் என கடன் வாங்கித்தான் செலவு செய்தாராம். சட்டசபைத் தேர்தலில் வெற்றி பெற்றாலும் எந்தப் பொறுப்பும் வழங்கப்படவில்லை. அரசியலில் இருந்தால் தொகுதியின் தேவைகளையாவது பூர்த்தி செய்யவேண்டும். ஆனால், இவர் கேட்டு எந்த அமைச்சரும் கண்டுகொள்ளப்போவதில்லை. எனவே, அரசியலே வேண்டாம் என்று செங்கோட்டையன் முடிவெடுத்துள்ளாரம்.
 Thagavalthalam Image result for செங்கோட்டையன்


       ஜெயலலிதாவின் முதல் ஆட்சிக்காலத்தில், 'செங்கோட்டையன் வருகிறார்' என்றாலே கொங்கு மண்டல கட்சி நிர்வாகிகள் மத்தியில் ஒருவித அலறல் இருக்கும். அந்தளவுக்கு பவர் பாலிடிக்ஸால் கோலோச்சிக் கொண்டிருந்தவர், இப்போது முதல்வரின் கண்பார்வைக்காக காத்துக் கிடக்கிறார் என்கின்றனர்.
        எட்டு முறை எம்.எல்.ஏ., ஐந்து முறை அமைச்சர் என இருந்துள்ளார். கடந்த சட்டமன்றத் தேர்தலில், கொங்கு மண்டலத்தில் அதிகத் தொகுதிகளை அ.தி.மு.க கைப்பற்றியது. உள்ளாட்சித் தேர்தலில் தி.மு.கவின் அரசியல் அதிரடிகளைச் சமாளிக்க செங்கோட்டையன் போன்றவர்கள் தேவை என்று அதிமுகவினர் கூறி வருகின்றனர், ஆனால் ஜெயலலிதாவின் பார்வை செங்கோட்டையன் பக்கம் திரும்புமா  ?


தமிழகத்தில் விவசாய நிலப்பரப்பு 1.6 சதவீதம் குறைந்துள்ளதாக அமைச்சர் தாமோதரன் தெரிவித்துள்ளார்


பசுமைநாயகன் Pasumai4U

      தமிழகத்தில் விவசாய நிலப்பரப்பு குறைந்துவிட்டதாக வேளாண் துறை அமைச்சர் தாமோதரன் தெரிவித்துள்ளார். வேளாண் வளர்ச்சிக்கு உதவும் தொழில்நுட்பங்கள் குறித்து விவசாயிகளுக்கு பயிற்சி அளிக்கும் மண்டல வேளாண்மை பெருவிழா, தூத்துக்குடி மாவட்டம் கிள்ளிகுளம் வேளாண் கல்லூரி மற்றும் ஆராய்ச்சி நிலையத்தில் நடைபெற்றது.
        இதில் பேசிய அமைச்சர் தாமேதரன், ரசாயன உரங்களை தேவைக்கு ஏற்பவும், தேவைக்கு அதிகமாகவும் இடுவதால் மண்வளம் கெடுகிறது என்றார். இதனால் ஏற்படும் மகசூல் இழப்பை தடுக்க ஆறு கோடி ரூபாய் நிதி மதிப்பீட்டில் மாநிலத்திலுள்ள அனைத்து பகுதிகளிலும், புவி விபரங்களின் அடிப்படையில் மண் வரைபடங்களை கணினி மூலமாக பெறுவதற்கு நடவடிக்கை எடுக்கப்பட்டுள்ளது என்று தாமோதரன் கூறினார்.
       தமிழகத்தில் விவசாய நிலப்பரப்பு 1.6 சதவீதம் குறைந்துள்ளதாக தெரிவித்த அவர், குறைந்த நிலப்பரப்பில் அதிக விவசாயம் செய்வதற்கான முயற்சிகள் மேற்கொள்ளப்பட்டுள்ளதாகவும் கூறினார்.
தமிழகத்தில் சிறுதானியங்களின் உற்பத்தி குறைந்துவிட்ட காரணத்தினால் இன்றுள்ள இளைய தலைமுறையினருக்கு நீரிழிவு உள்ளிட்ட நோய்கள் ஏற்படுவதாகவும் அமைச்சர் தாமோதரன் கூறினார்.

2 ஜி விவகாரத்தில் தி.மு.க செய்த தவறுக்கு காங்கிரசும் சேர்ந்தே அவமானப்பட்டது

www.thagavalthalam.com பசுமைநாயகன்

2ஜி விவகாரத்தில் தி.மு.க செய்த தவறுக்கு காங்கிரசும் சேர்ந்தே அவமானப்பட்டது" என்று சுதர்சன நாச்சியப்பன் கூறினார்.
சென்னையில் நடைபெற்ற தி.மு.க. பொதுக்குழுவில் பேசிய தி.மு.க. தலைவர் கருணாநிதி, 2ஜி விவகாரத்தில் ஆ.ராசா மற்றும் கனிமொழி உள்ளிட்டோரை பலிகடா ஆக்கிவிட்டு தப்பித்துக் கொண்டார்கள் என காங்கிரஸ் மீது குற்றம்சாட்டியிருந்தார்.இது குறித்து கருத்து தெரிவித்த மத்திய இணை அமைச்சர் சுதர்சன நாச்சியப்பன் கூறியபோது, 2 ஜி விவகாரத்தில் தி.மு.க செய்த தவறுக்கு காங்கிரசும் சேர்ந்தே அவமானப்பட்டது என்று தெரிவித்துள்ளார்.மேலும் 2ஜி ஏலத்தில் பிரதமர் சொல்லியும் தெரிந்தே ஆ.ராசா  தவறு செய்தார் என கூறினார்.
www.thagavalthalam.com

மதவாத சக்திகளுக்கு எதிராக டெல்லியில் கூட்டம்-- காங்கிரஸ், பாரதிய ஜனதா அல்லாத மாற்று அணி

  
பசுமைநாயகன் Pasumainayagan www.thagavalthalam.com

   மதவாத சக்திகளுக்கு எதிரான இடதுசாரிகள் தலைமையிலான ஒருங்கிணைப்புக் குழுக் கூட்டம் டெல்லியில் நடைபெற்றது. இதில், அ.தி.மு.க, ஐக்கிய ஜனதா தளம் உட்பட 17 மாநில கட்சிகள் பங்கேற்றன.

         காங்கிரஸ், பாரதிய ஜனதா அல்லாத மாற்று அணி அமைப்பது குறித்து இந்தக் கூட்டம் நடத்தப்பட்டதாக கூறப்பட்டது. ஆனால், இந்த கூட்டம் 3வது அணி அல்லது மாற்று அணி அமைப்பது குறித்து நடத்தப்படவில்லை என்றும், மதசார்பற்ற சக்திகளுக்கு எதிரான கருத்தரங்கமாகவே இதை கருத வேண்டும் என்றும், கூட்டத்தில் கலந்து கொண்ட அதிமுக எம்.பி தம்பிதுரை தெரிவித்தார்.

     இந்தக் கூட்டத்தில், பீகார் முதலமைச்சர் நிதிஷ்குமார், முன்னாள் பிரதமர் தேவ கவுடா உள்ளிட்டோர் கலந்து கொண்டனர். மத்தியில் ஆளும் காங்கிரஸ் தலைமையிலான கூட்டணிக்கு ஆதரவு அளித்து வரும் சமாஜ்வாதி கட்சி பிரதிநிதிகளும் கூட்டத்தில் பங்கேற்றனர். மதவாத சக்திகளுக்கு எதிராக ஓரணியில் திரளுமாறு, இந்தக் கூட்டத்தில் பங்கேற்காத மாநில கட்சிகளுக்கு அழைப்பு விடுக்கப்பட்டிருக்கிறது.

      கூட்டத்தில் பேசிய சமாஜ்வாதி கட்சித் தலைவர் முலாயம் சிங், மதவாத சக்திகளை தோற்கடிக்க வேண்டிய தருணம் வந்துவிட்டதாக தெரிவித்தார். இடதுசாரிகள் 3-வது அணி அமைக்கவேண்டும் என்ற நோக்கத்தில் செயல்படவில்லை என்றும், அரசியல் மற்றும் தேர்தலை மட்டும் நிர்ணயித்தும் செயல்படவில்லை என்றும் தற்போது மதவாதிகள் நாட்டை அச்சுறுத்தி வருவதால், அவர்களை தனிமைப்படுத்துவதே தங்களது தற்போதைய நோக்கம் என்றும் இந்திய கம்யூனிஸ்ட் தேசிய செயலாளர் டி.ராஜா தெரிவித்தார்.

       இதனிடையே தேசிய அளவில் தற்போதைய நிலையில் மூன்றாவது அணி உருவாக வாய்ப்பில்லை என்று பாரதிய ஜனதாவின் செய்தித் தொடர்பாளர் ரவிசங்கர் பிரசாத் தெரிவித்துள்ளார்.

தெலுங்கானா விவகாரம்: ஆந்திரமுதலமைச்சர் அவசரக்கூட்டம்




thagavalthalam


  தெலுங்கானா மாநிலம் உருவாக்கத்திற்கு மத்திய அமைச்சரவை ஒப்புதல் அளித்துள்ளதையடுத்து ஆந்திர முதலமைச்சர் கிரண்குமார் ரெட்டி இன்று அவசர ஆலோசனைக் கூட்டத்தை கூட்டுகிறார்.
ஆந்திர கடலோர மற்றும் சீமாந்திரா பகுதி அமைச்சர்கள், எம்.பி., எம்.எல்.ஏ.,க்கள் இதில் கலந்து கொள்ளவுள்ளனர்.
மத்திய அமைச்சரவையின் முடிவைத் தொடர்ந்து அடுத்தகட்ட நடவடிக்கை குறித்து இதில் விவாதிக்கப்பட இருக்கிறது.
முன்னதாக அமைச்சர்களும், சட்டமன்ற உறுப்பினர்களும் முதலமைச்சர் கிரண் குமார் ரெட்டியை நேரில் சந்தித்து, மத்திய அமைச்சரவையின் ஒப்புதலுக்கு கடும் கண்டனம் தெரிவித்தனர்.

ஜெயலலிதா நேரில் ஆஜராக நீதிமன்றம்உத்தரவு


Pasumai Nayagan  thagaval
வருமானத்திற்கு அதிகமாக சொத்து குவித்ததாகத் தொடரப்பட்ட வழக்கில், தமிழக முதலமைச்சர் ஜெயலலிதா வரும் 30 ஆம் தேதி நேரில் ஆஜராகுமாறு பெங்களூரு சிறப்பு நீதிமன்றம் உத்தரவிட்டுள்ளது.
மேலும், இந்த வழக்கில் குற்றம் சாட்டப்பட்டுள்ள சசிகலா, இளவரசி மற்றும் சுதாகரன் ஆகியோரும் நேரில் ஆஜராக வேண்டும் என்று சிறப்பு நீதிமன்றத் தற்காலிக நீதிபதி முடிகவுடர் உத்தரவிட்டுள்ளார்.
சொத்துகுவிப்பு வழக்கு தொடர்பாக நேரில் ஆஜராக விலக்கு அளிக்குமாறு தாக்கல் செய்யப்பட்ட மனுவின் விசாரணை இன்று விசாரணைக்கு வந்தது.
அப்போது மனுதாரர் சார்பில் ஜெயலலிதா முதலமைச்சராக இருப்பதால் பணி நிமித்தமாக நேரில் ஆஜராக விலக்கு அளிக்குமாறு வாதிடப்பட்டது.
வழக்கை விசாரித்த நீதிபதி இந்த முறை மட்டும் மனுவை ஏற்றுக்கொள்வதாகத் தெரிவித்ததுடன், இனிமேல் வழக்கு விசாரணைக்கு வரும் ஒவ்வொரு முறையும் குற்றம் சாட்டப்பட்டுள்ள அனைவரும் கண்டிப்பாக நேரில் ஆஜராக வேண்டும் என்று உத்தரவு பிறப்பித்தார்.

சிறப்பு நீதிமன்ற நீதிபதி பாலகிருஷ்ணா ஓய்வு பெற்றதை அடுத்து சிறப்பு நீதிமன்ற தற்காலிக நீதிபதியாக முடிகவுடர் பொறுப்பேற்றுள்ளார்.

குடியரசுத் தலைவர் பிரணாப் முகர்ஜியை, பிரதமர் மன்மோகன் சிங் சந்திப்பு

குடியரபிரதமர் மன்மோகன் சிங் சந்திப்பு

www.thagavalthalam.com

      குடியரசுத் தலைவர் பிரணாப் முகர்ஜியை, பிரதமர் மன்மோகன் சிங் இன்று சந்தித்துப் பேசினார். குடியரசுத் தலைவர் மாளிகையில் நடைபெற்ற இந்த சந்திப்பின்போது, எம்.பி., எம்.எல்.ஏ.க்களை பாதுகாக்கும் அவசர சட்டத்தை திரும்பப் பெற்றுக் கொள்வதாக பிரணாப்பிடம் மன்மோகன் சிங் தெரிவித்ததாக கூறப்படுகிறது.

அந்த சட்டத்தை திரும்பப் பெறும், காங்கிரஸ் உயர்மட்ட குழுவின் முடிவையும், அப்போது எடுத்துரைத்ததாக தெரிகிறது. குடியரசுத் தலைவர் பிரணாப் முகர்ஜி, பெல்ஜியம் மற்றும் துருக்கி நாடுகளுக்கு இன்று பயணம் மேற்கொள்ள உள்ளதால், அதற்கு முன்னதாக அவரை, பிரதமர் மன்மோகன் சிங் சந்தித்து பேசியுள்ளார். அமெரிக்க சுற்றுப் பயணத்தின் போது அதிபர் ஒபாமா உள்ளிட்ட தலைவர்கள் உடனாக சந்திப்பின்போது பேசிய அம்சங்கள் பற்றியும் விளக்கியுள்ளார்.

           குடியரசுத் தலைவர் உடனான சந்திப்பைத் தொடர்ந்து, மாலையில் ஐக்கிய முற்போக்குக் கூட்டணிக் கட்சிகளின் கூட்டமும், மத்திய அமைச்சரவைக் கூட்டமும் நடைபெறவுள்ளது. இதில், அவசரச் சட்டம் குறித்து விரிவாக விவாதிக்கப்பட்டு, அந்த சட்டத்தை வாபஸ் பெறுவதா அல்லதி அமல்படுத்துவதா என்பது குறித்து முடிவு எடுக்கப்படவுள்ளது.

       முன்னதாக அமெரிக்க சுற்றுப் பயணத்தை முடித்துக்கொண்டு நாடு திரும்பிய பிரதமர் மன்மோகன் சிங்கை, இன்று காலை அவரது இல்லத்தில் காங்கிரஸ் துணைத் தலைவர் ராகுல் காந்தி சந்தித்து பேசினார். முப்பது நிமிடம் நீடித்த இந்த சந்திப்பின் போது, அவசர சட்டத்தை திரும்பப் பெறுமாறு ராகுல் வலியுறுத்தியதாகக் கூறப்படுகிறது.


அவசரச் சட்டம் தொடர்பாக ராகுல்காந்தி-பிரதமர் சந்திப்பு

thagavalthalam


     குற்றவழக்குகளில் தண்டனை பெற்ற மக்கள் பிரதிநிதிகள் பதவி இழப்பதை தடுக்கும் அவசரச் சட்டம் தொடர்பாக காங்கிரஸ் துணைத் தலைவர் ராகுல் காந்தி பிரதமர் மன்மோகன்சிங்கை இன்று சந்தித்துப் பேசினார். இதனை தொடர்ந்து குடியரசு தலைவர் பிரணாப் முகர்ஜியை பிரதமர் சந்தித்து ஆலோசனை நடத்தவுள்ளார்.
பிரதமர் மன்மோகன் சிங் அமெரிக்கா சென்றிருந்த நிலையில், தண்டனை பெற்ற எம்பி., எம்எல்ஏக்கள் பதவி இழப்பதை தடுக்கும் அவசரச்சட்டத்தை கிழித்தெறிய வேண்டும் என காங்கிரஸ் துணைத் தலைவர் ராகுல்காந்தி கூறிய கருத்து கடும் சர்ச்சைக்கும் எதிர்கட்சிகளின் விமர்சனத்திற்கும் ஆளானது.
    அவசரச் சட்டத்தை திரும்பப் பெறுவது குறித்து அமைச்சரவையில் இன்று முடிவு எடுக்கப்பட உள்ள நிலையில், இதுதொடர்பாக பிரதமர் மன்மோகன் சிங்கை, ராகுல் காந்தி சந்தித்து ஆலோசனை நடத்தவுள்ளார்.
ஆனால் அவரச் சட்டத்தில் கையெழுத்திடாத குடியரசு தலைவர் பாராட்டிற்குரியவர் என்று கூறியுள்ள பாரதிய ஜனதா கட்சி இப்பிரச்சனையில் ராகுல் காந்தியின் அனுபவமின்மை வெளிபட்டுவிட்டதாக தெரிவித்துள்ளது.
    குற்றவழக்குகளில் தண்டணை பெற்ற மக்கள் பிரதிநிதிகளின் பதவியை பறிக்க வேண்டும் என உச்சநீதிமன்றம் உத்தரவிட்டது.ஆனால் அதற்கு எதிரான அவசரச் சட்டத்திற்கு மத்திய அமைச்சரவை ஒப்பதல் அளித்தது.இந்த சட்டம் குறித்து மத்திய அரசு இன்று இறுதி முடிவு எடுக்கும் என எதிர்பார்க்கப்படுகிறது.

சிறையில் அடைக்கப்பட்டார் லாலுபிரசாத் யாதவ்

thagavalthalam

        மாட்டுத்தீவன ஊழல் வழக்கில் பீகார் மாநில முன்னாள் முதல்வர் லாலுபிரசாத் யாதவ் குற்றவாளி என ராஞ்சி சிபிஐ சிறப்பு நீதிமன்றம் அறிவித்துள்ளது. இதனையடுத்து அவர் சிறையில் அடைக்கப்பட்டார்.
ஊழல் நடைபெற்றதற்கு போதிய ஆதாரங்கள் இருப்பதாக இந்த வழக்கில் தீர்ப்பு வழங்கிய நீதிபதி தெரிவித்துள்ளார்.
ராஷ்டிரிய ஜனதா தள தலைவர் லாலு பிரசாத் யாதவ் உள்ளிட்ட 45 பேர் மீதான இந்த வழக்கின் தீர்ப்பினை ராஞ்சி சிபிஐ நீதிமன்றம் விசாரித்து வந்நது.
    கடந்த 1990 ஆம் ஆண்டு லாலு பிரசாத் யாதவ் முதலமைச்சராக இருந்தபோது, போலி ரசீதுகள் தாக்கல் செய்து 37 கோடியே 70 லட்சம் ரூபாய் அளவிற்கு கால்நடை தீவனத்தில் ஊழல் செய்ததாக வழக்கு தொடரப்பட்டது.
    அந்த வழக்கில் பல்வேறு கட்ட விசாரணைகளுக்குப் பின்னர் இன்று குற்றவாளி என அறிவித்து தீர்ப்பு வழங்கப்பட்டது. தண்டனை விபரங்கள் வரும் 3 ந்தேதி அறிவிக்கப்படும் என்று தெரிவிக்கப்பட்டுள்ளது.
இந்நிலையில், லாலு பிரசாத் யாதவ் சிறையில் அடைக்கப்பட்டார்.
2 ஆண்டுகளுக்கு மேல் தண்டனை பெறும் எம்.பி. எம்.எல்.ஏக்களின் பதவி நீக்கத்திற்கு எதிரான அவசரச் சட்டம் குடியரசுத் தலைவரின் ஒப்புதலைப் பெறாத நிலையில் இந்த தீர்ப்பு தேசிய அளவில் முக்கியத்துவம் பெற்றுள்ளது.

வழக்கு விபரம்

பிகாரின் ஒருங்கிணைந்த பகுதியாக ஜார்க்கண்ட் மாநிலம் இருந்தபோது, பைசா மாவட்ட கருவூலத்தில் இருந்து கால்நடைத் தீவனம் வாங்குவதற்காக பெறப்பட்ட 37 கோடியே 70 லட்சம் ரூபாய் முறைகேடு செய்யப்பட்டதாக புகார் எழுந்தது.

அப்போது, மாநில முதலமைச்சராக இருந்த ராஷ்டிரிய ஜனதா தள கட்சித் தலைவர் லாலு பிரசாத் யாதவ், பிகார் மாநில முன்னாள் முதலமைச்சர் ஜெகன்நாத் மிஸ்ரா உள்ளிட்டோர் மீது குற்றம்சாட்டப்பட்டு 1996 ஆம் ஆண்டு சிபிஐ விசாரணை தொடங்கப்பட்டது.

இந்த வழக்கு தொடர்பாக லாலு பிரசாத் யாதவ் கைது செய்யப்பட்டு 135 நாட்கள் சிறையில் அடைக்கப்பட்டார்.

இந்த வழக்கு காரணமாக 1997 ஆம் ஆண்டு பிகார் மாநில முதலமைச்சர் பதவியை இழந்தார் லாலு பிரசாத். இந்த வழக்கில் மொத்தம் 56 பேர் மீது குற்றம்சாட்டப்பட்டது.

இதில் 7 பேர் வழக்கு விசாரணையின் போது இறந்தனர். இருவர் அரசு தரப்பு சாட்சியாக மாறினர்.

2000 ஆம் ஆண்டு பிகாரில் இருந்து ஜார்க்கண்ட் மாநிலம் தனியாக பிரிக்கப்பட்டதையடுத்து முறைகேடு தொடர்பாக மொத்தம் இருந்த 61 வழக்குகளில் 54 வழக்குகள் ஜார்க்கண்ட் மாநிலத்திற்கு மாற்றப்பட்டன.

43 வழக்குகளை சிபிஐ நீதிமன்றம் விசாரித்ததில், 5 வழக்குகளில் லாலு பிரசாத், ஜெகன்நாத் மிஸ்ரா ஆகியோர் குற்றவாளிகள் என்று தீர்ப்பு வழங்கியது.

இந்த வழக்கில் ஜூலை மாதம் தீர்ப்பு வழங்கப்படவிருந்த நிலையில், வழக்கை வேறு நீதிமன்றத்திற்கு மாற்ற வேண்டும் என லாலு பிரசாத் மேல் முறையீடு செய்தார்.

இந்த மேல்முறையீட்டை ஜார்கண்ட் மாநில உயர்நீதிமன்றமும், உச்ச நீதிமன்றமும் தள்ளுபடி செய்தன.

இந்நிலையில் இந்த வழக்கில் லாலு குற்றவாளி என தீர்ப்பு வழங்கப்பட்டுள்ளது.

லாலுபிரசாத் மீதான ஊழல்வழக்கில் இன்றுதீர்ப்பு

Pasumai Nayagan

      பீகார் மாநில முன்னாள் முதல்வர் லாலுபிரசாத் யாதவ் மீதான கால்நடை தீவன ஊழல் வழக்கின் தீர்ப்பு இன்று வெளியிடப்பட உள்ளது.
ராஷ்டிரிய ஜனதா தள தலைவர் லாலு பிரதாச்யாதவ் உள்ளிட்ட 45 பேர் மீதான இந்த வழக்கின் தீர்ப்பினை ராஞ்சி சிபிஐ நீதிமன்றம் விசாரித்து வந்நது.
   கடந்த 1990 ஆம் ஆண்டு லாலு பிரசாத் யாதவ் முதலமைச்சராக இருந்தபோது, போலி ரசீதுகள் தாக்கல் செய்து 37 புள்ளி 7 கோடி ரூபாய் அளவிற்கு கால்நடை தீவன ஊழல் செய்ததாக வழக்கு தொடரப்பட்டது.
அதன் தீர்ப்பு இன்று வெளியாக உள்ள நிலையில் லாலுபிரசாத் தனது மகனுடன் ராஞ்சியில் முகாமிட்டுள்ளார்.
2 ஆண்டுகளுக்கு மேல் தண்டனை பெறும் எம்.பி. எம்.எல்.ஏக்கள் பதவி நீக்கம் தொடர்பான அவசர சட்டம் குடியரசு தலைவரின் ஒப்புதல் பெறாத நிலையில் இந்த தீர்ப்பு தேசிய அளவில் முக்கியத்துவம் பெற்றுள்ளது.


நரிக்குறவர்களைப் பழங்குடியினர் பட்டியலில் சேர்க்க வேண்டும்

     
 ஆயிரக்கணக்கான சிறு சமூகக் குழுக்கள் நமது நாட்டில் அடையாளமில்லாமல் விளிம்புக்குத் தள்ளப்பட்டுக் குன்றிப்போய்க் கிடக்கின்றன. அவற்றில் ஒன்றுதான் நரிக்குறவர் சமூகம்.


நரிக்குறவர்கள் 'வாக்ரிவாலா' என்று அறியப்படுகிறார்கள். குருவிக்காரர்கள் என்ற பெயரும் அவர்களுக்கு உண்டு. 


      நரிக்குறவர்களைப் பார்க்கிற நாம் அவர்களைப் பழங்குடியின சமூகத்தினர் என்றுதான் எண்ணியிருப்போம். ஆனால், தமிழ்நாட்டில் நரிக்குறவர்கள் மிகவும் பிற்படுத்தப்பட்டோர் பட்டியலில் வகைப்படுத்தப்பட்டிருக்கிறார்கள்!!!!. அந்தப் பட்டியலில் இருபத்து நான்காவதாக அவர்களது சாதி குறிப்பிடப்பட்டிருக்கிறதுமராத்தி கலந்த மொழியைப் பேசும் நரிக்குறவர்கள் எப்படித் தோன்றினார்கள் என்று பல்வேறு புராணக் கதைகள் இருக்கின்றன. 

   தமிழ்நாட்டில் மட்டுமின்றி நரிக்குறவர்கள் வெவ்வேறு பெயர்களில் ஆந்திரா, குஜராத், ஹரியானா, மத்தியப் பிரதேசம், கர்னாடகா முதலிய மாநிலங்களிலும் வாழ்ந்து வருகிறார்கள். அங்கெல்லாம் அவர்கள் பழங்குடி இனத்தவராகவே கருதப்படுகிறார்கள். . ஆனால், தமிழ்நாட்டில்தான் அவர்களை மிகவும் பிற்பட்டோர் பட்டியலில் வைத்திருக்கிறோம்.


      நரிக்குறவர்களைப் பழங்குடியினர் பட்டியலில் சேர்க்க வேண்டும் என்று ஏற்கனவே பலமுறை தமிழக அரசின் சார்பில் முயற்சி செய்யப்பட்டிருக்கிறது.1964ஆம்ஆண்டிலேயே மத்திய அரசு கொள்கையளவில் நரிக்குறவர்களைப் பழங்குடியினராக ஏற்றுக்கொண்டுவிட்டது. அதனடிப்படையில் தமிழ்நாட்டில் அவர்களுக்குப் பழங்குடியினருக்கான சலுகைகள் 1974ஆம் ஆண்டுவரை அளிக்கப்பட்டன. 

2
V.R. Nedunchezhiyan(acting)[19]3 February 196910 February 19691DMK
3M. KarunanidhiKarunanidhi.jpg10 February 19694 January 19711DMK
4M. Karunanidhi15 March 197131 January 19762DMK1971 State assembly election
President's rule[19]31 January 197630 June 1977
    ஆனால், அவர்களைப் பழங்குடியினர் பட்டியலில் சேர்த்து முறையாக அறிவிப்பு செய்வதற்கு முன்பு இப்படிச் சலுகைகளைத் தரக் கூடாது என மத்திய அரசு 1974ஆம் ஆண்டில் தமிழக அரசுக்குக் கடிதம் எழுதிய காரணத்தால் அப்போதிருந்த அரசு அவர்களைப் பிற்படுத்தப்பட்டோர் பட்டியலில் தற்காலிகமாகச் சேர்த்து உத்தரவிட்டது. ஆனால், படிப்பு உதவித்தொகை, மனைப்பட்டா, அடிப்படை வசதிகள் ஆகியவற்றைப் பெறுகின்ற விஷயத்தில் அவர்கள் தொடர்ந்து பழங்குடியினருக்கான சலுகைகளைப் பெறுவார்கள் என்றும் அந்த ஆணையில் தெரிவிக்கப்பட்டது. இப்படி 1975ஆம் ஆண்டு ஆகஸ்டு மாதத்தில் செய்யப்பட்ட அந்தத் 'தற்காலிக ஏற்பாடு'தான் கடந்த முப்பத்து இரண்டு ஆண்டுகளாகத் தொடர்ந்துகொண்டிருக்கிறது. இதனால் பலவிதங்களில் நரிக்குறவர்கள் பாதிக்கப்பட்டு வருகிறார்கள்...தற்போதாவது அவர்களுக்கு ஒரு நல்ல விடிவுக்காலம் பிறக்கட்டும்.....  
                                                               -நன்றி திரு.ரவிக்குமார் 
                                                                                -பசுமை நாயகன்

பா.ஜ.க.வில் இணைந்தார் சுப்பிரமணியசாமி

பா.ஜ.க.வில் இணைந்தார் சுப்பிரமணியசாமி

     ஜனதா கட்சித் தலைவர் சுப்பிரமணிய சாமி பாரதிய ஜனதா கட்சியில் இன்று இணைந்தார். ஜனதா கட்சியையும் அவர் பாரதிய ஜனதாவுடன் இணைந்துள்ளார்.
      டெல்லியில் பாரதிய ஜனதா கட்சி தலைவர் ராஜ்நாத் சிங்கை சந்தித்த சுப்பரமணியன் சாமி முறைப்படி தம்மை அக்கட்சியில் இணைத்துக் கொண்டார். ஜனதா கட்சி, பாரதிய ஜனதாவுடன் இணைந்திருப்பது பாரதிய ஜனதாவிற்கு மேலும் வலுசேர்க்கும் என்று ராஜ்நாத் தெரிவித்தார்.




தெலங்கானா உருவான வரலாறு…

Telangana issue


      44 ஆண்டு கால போராட்டத்திற்குப் பிறகு தெலங்கானா தனி மாநில கோரிக்கைக்கு மத்தியில் ஆளும் ஐக்கிய முற்போக்கு கூட்டணியும், காங்கிரஸ் கட்சியும் ஒருமனதாக ஒப்புதல் அளித்துள்ளன. இந்த அறிவிப்பை தெலங்கானா ஆதரவாளர்கள் பட்டாசு வெடித்துக் கொண்டாடி மகிழ்கின்றனர்.
தெலங்கானா விவகாரம் குறித்து முடிவு எடுப்பதற்காக ஐக்கிய முற்போக்கு கூட்டணி கட்சிகளின் கூட்டம் பிரதமர் இல்லத்தில் நேற்று நடைபெற்றது. அதனைத் தொடர்ந்து காங்கிரஸ் காரிய கமிட்டி கூட்டத்திலும் இந்த விவகாரம் குறித்து ஆலோசிக்கப்பட்டது. இரு கூட்டத்திலும் ஆந்திராவைப் பிரித்து தெலங்கானா மாநிலத்தை உருவாக்கும் யோசனை ஒரு மனதாக ஏற்றுக் கொள்ளப்பட்டது.
கட்சிகள் வரவேற்பு
தனித் தெலங்கானா அறிவிப்புக்கு, பாரதிய ஜனதா, தெலங்கானா ராஷ்டிரிய சமிதி மற்றும் இடதுசாரி கட்சிகள் வரவேற்பு தெரிவித்துள்ளன.
29வது மாநிலமாக தெலங்கானா....
நாட்டின் 29வது மாநிலமாக அமையவிருக்கும் தெலங்கானாவில் சுமார் மூன்றரை கோடி மக்கள் வசிப்பார்கள்.
அதிலாபாத், கரிம் நகர், கம்மம், மகபூப் நகர், மேடக், நல்கொண்டா, நிஜாமாபாத், ரங்காரெட்டி, வாரங்கல் மற்றும் ஐதராபாத் ஆகிய 10 மாவட்டங்களையும், பொதுத் தலைநகரான ஐதராபாத்தையும் உள்ளடக்கியதாக தெலங்கானா மாநிலம் இருக்கும். ராயலசீமா பகுதியில் உள்ள 2 மாவட்டங்களை தெலங்கானாவுடன் இணைக்கும் யோசனை நிராகரிக்கப்பட்டிருக்கிறது. ஆனாலும், புதிய பகுதிகளையோ, மாவட்டங்களையோ சேர்ப்பது குறித்து மத்திய அமைச்சர்கள் குழு முடிவு செய்யும் என்று அறிவிக்கப்பட்டுள்ளது. ஆந்திராவில் மொத்தமுள்ள 42 நாடாளுமன்ற தொகுதிகளில் 17 இடங்களையும், 294 சட்டமன்ற தொகுதிகளில் 119 இடங்களையும் உள்ளடக்கியதாக தெலங்கானா மாநிலம் அமைகிறது.
தெலங்கானா பகுதியின் வரலாறு

நாடு சுதந்திரம் அடைவதற்கு முன்னர் ஐதராபாத் நிசாம் மன்னரின் ஆட்சியின் கீழ் தெலங்கானா பகுதி இருந்தது. இந்தப் பகுதி 1948-ஆம் ஆண்டில் இந்தியாவுடன் இணைக்கப்பட்டது. அப்போது வெல்லோடி முதல் முதல்வராக முதல்வராக தேர்வு செய்யப்பட்டார். 1952 ஆம் ஆண்டு ஐதரபாத்தை தலைநகராகக் கொண்ட ஆந்திராவில் நடைபெற்ற முதல் தேர்தலில் ராம கிருஷ்ணராவ் முதல்வராக தேர்வானார். மிகவும் பின்தங்கிய நிலையில் இருந்த தெலங்கானா, ஆந்திராவுடன் இணைக்க முடிவு செய்யப்பட்டது. அதன்படி 1956-ஆம் ஆண்டு, நவம்பர் ஒன்றாம் தேதி ஹைதராபாத்தை உள்ளடக்கிய தெலங்கானா பகுதி, ஆந்திராவுடன் இணைக்கப்பட்டது. கல்வி வேலைவாய்ப்பில் தெலங்கானா பகுதி மக்களுக்கு 3ல் ஒரு பங்கு ஒதுக்கீடு, தெலங்கானாவைச் சேர்ந்தவருக்கு முதல்வர் அல்லது துணை முதல்வர் பதவி போன்ற முக்கிய நிபந்தனைகளுடன்தான் தெலுங்கானா இணைக்கப்பட்டது.
இந்த நிபந்தனைகளை நடைமுறைப்படுத்த இதுவரை 9 ஆணையங்கள் உருவாக்கப்பட்டுள்ளன. இந்த நிலையில், தெலங்கானா தனி மாநில கோரிக்கையை முன்வைத்து, 1969-ம் ஆண்டு உஸ்மானியா பல்கலைக்கழக மாணவர்கள் போராட்டத்தில் குதித்தனர். பின்னர், அது தெலங்கானா மக்கள் இயக்கமாக உருவெடுத்தது. கடந்த 2001-ம் ஆண்டு தெலுங்கு தேசக் கட்சியிலிருந்து வெளியேறிய சந்திர சேகரராவ், தெலங்கானா ராஷ்டிரிய சமிதி கட்சியை தொடங்கி பல்வேறு போராட்டங்களை நடத்தினார். 2009 ஆம் ஆண்டு சாகும் வரை உண்ணாவிரதப் போராட்டம் மேற்கொண்டார்.
இதன் காரணமாக, தனி மாநிலம் அமைக்க நடவடிக்கை எடுப்பதாக மத்திய அரசு உறுதி அளித்தது. அதன்படி 2010 ஆம் ஆண்டு தெலங்கானா குறித்து ஆராய 5 பேர் கொண்ட குழு அமைக்கப்பட்டது. இந்த குழு, 2010 டிசம்பர் மாதம் தனது ஆய்வு அறிக்கையை சமர்ப்பித்தது. எனினும், இரண்டரை ஆண்டுகள் கடந்த நிலையில், பல்வேறு கட்ட ஆலோசனைக்குப் பிறகு, தற்போது தனித் தெலுங்கானா கோரிக்கைக்கு செவிசாய்த்துள்ளது மத்திய அரசு.